文：本香猛
講到電影《葉問》名句，好多人都會話係「我要打 10 個！」，但筆者更喜歡「我唔係怕老婆，我係尊重老婆！」呢一句，每次朋友聚會早退被鬧爆，筆者都會搬出這一句，萬試萬靈；所以葉師傅，是筆者心目中的真男人。電影第三集就上，宇宙最強甄子丹既要應付重量級拳王泰臣，仲要同《一代宗師》「馬三」張晉對打，未睇已知精彩萬分。想延續這份激情，買番個 Enterbay 1/6 葉問 Figure 回家「供奉」最實際，詠春手型同配件全部有齊，分分鐘仲可學番一招半式呢！
|
|
|
Enterbay 擅雕亞洲電影人物，5 年前葉問舊作已經叫好又叫座，今天頭雕改由 SCUDERIA 落刀，YJ 退居塗裝及造型指導，吸收過以往經驗，神似度大幅提升。 輪廓、鼻樑、耳朵、面頰儼如真人，髮型細緻有層次，同時皮膚紋理仔細，並刻意加深眼袋及皺紋，呈現葉師傅年邁一面。表情方面，跟以往「三白眼」、「死魚眼」不同，今次葉問眉目深鎖眼神堅定，仿如臨大敵，擺 Pose 更入型入格，難怪連「宇宙最強」審批時都一 Take Pass！美中不足沒有加入轉眼系統，頭雕又有一個，可玩性要略略扣分。
|
|
|
頭雕完成，再來就要決定生產甚麼配件。綜合過玩家意見，廠商決定保留 4 對可換手掌，手形跟足詠春拳來設計，小念頭、尋橋、日字衝手等全部做到。而為展現拳腳並用的詠春拳，Body 更內置 30 個關節，同時擺上下路動作不成問題。另外，打詠春少不了木人樁，廠商索性以此為地台，並附送「葉問之家」及「張天志武館」兩大場景，加上「詠春正宗」牌匾、八斬刀、木製詠春六點半棍等配件，感覺就似將電影場景變成真實，誠意十足叫人佩服！
|
|
|
Figure 建議零售價為 HK$1,480，將於今天 TOYSOUL 會場作首賣。
|
|
|
| 《葉問 3》官方預告片 |
