對焦都算快，100400算係輕身，影像質素都唔錯。

咁容易壞，話曬都有兩磅半重，帶去旅行用唔到，豈不是搵自己笨。

二手買的，仲有四年保，去南彊影到第三日，對焦壞咗，回來即攞去維修，據說係換咗電路版同埋update firmware。
其實影像質素都幾好，防震都ok重量100400算係輕，但係咁易壞 ，帶去旅行冇乜保障，所以回港後立即放咗佢。

細,成像都好靚,

用2013年比好難比較,總之用得開心,

今時今日摷返幾部舊機出嚟玩,先發覺呢部機仔好靠得住,可能係韓國做,所有功能無問題,同年份幾部,S,C,N傻瓜一唔係化MON就係掣有事,做唔到呢部三叔仔仲好忠誠咁開工,睇返成像,色靚過好多機仔,唔好用成萬銀比,你會發覺好好用,細,電仔都仲用得,讚

1/3 hybird價但油耗只差0.2毛/公里，有istop和turbo, 吐露港公路測試26公里平均95公里不開AC, 用ECO(turbo停用), 27KM/L, 平時開市區和高速是15-16Km/L 開AC, 買hybird要保養發動机還有電機，電池，多了電池和電組別的维修和損耗，不實際.

M43第一代期艦機,機身設計及內函都有特式.二手價好平,買嚟玩吓物有所值.

舊機勿同現代機比較,唔知幾時壞（壞咗都無謂修理）

10年前的旗艦機今時今日都很實用,機身细扎實好揸手,夾支定焦鏡好有舊日菲林機feel（似Nikon FE）,啱我哋呢d鍾意周圍影但又唔浪費菲林 .

平價1.4

對焦好慢
都係一般大光圈會有既紫邊

坦白講 。唔好搵頂鏡大光圈定焦同佢比 。要頂級質素唔使諗佢 。 但呢個價位既1.4 。nikon真係比足料你 。1.4大光圈鏡黎講 。真係比上不足比下有餘 。用佢影過好多靚相 。1.4中招都好利下。用落D800都有好好既成像 。但影深太短 。其實唔多時無需要盡開 。我多數收到2.0-4.0去影 。真係無野可投訴。散景靚 。如果用佢話佢影出黎啲相唔得 。真係要諗諗係咪自己問題 。除左光影構圖 。要記得支鏡無防震 。當然用落單反都係無 。大光圈其實好巧基本功功力 。張相其實影唔準又有手震 。再加上構圖光影問題 。是但一樣 唔得 。張相你點睇都唔會靚 。唔好賴支鏡 。

絕對係智商稅之皇

3500CC又大食又好力

外型時尚,一睇就知係高級車,就算九年前嘅產品,而家睇起嚟都唔會過時

豐田設計師根本就係要益車房

首先呢架車買返嚟必定要改好多項目,煞車力度唔夠,開快小小都唔敢,轉灣嚴重傾側,2016年得一個齋板,3500CC,六十幾萬部車,竟然只有司機位有電動座椅

前中後排其他凳,全部係手動座椅,仲要係絲絨

低速行車非常寧靜,超過100公里噪音非常明顯

仲有明明尾門是電動
但係如果你喺尾門後面想打開就會變成手動

其實豐田車廠故意窗電動尾門按鈕disable

而且remote仲有熄匙就會自動關所有窗門功能
全都係俾豐田disable咗

尾門車窗setting一係要淘寶買過模塊
強行改變設定

一係就要畀錢車房改電腦設定

或者自己download軟件,買條線連接電腦改

啲人通常買返嚟,都會改蒙羅麗莎包圍,改煞車碟,改大班椅

- 對焦速度高
- 成象優異（其實今時今日嗰間廠都唔會差得去邊）
- 真正的500 mm
- 鏡頭鎖有兩個，一個係平時收藏用，另一個係喺個zoom ring直接推拉，鎖住個焦段，呢個設計幾好
- size: 唔zoom嘅時候，頗為細支，比70-200Z 約長多1cm(?)左右，可以放落一般攝影背囊，防潮櫃亦唔使買過個，如果諗住去外國睇球賽或者表演就更加要注意，如果你帶Nikon嗰支180-600 呢類成尺長嘅鏡頭，而你又冇記者證，好大機會你係入唔到場
- 重量大概係1.7公斤，勉強可以手持
- 腳架接位對應ArcaSwiss快拆，個環可以成個拆出嚟
-Hood設計得幾好，前端係包咗橡膠邊可以直接放落地下
-77mm filter，佛心

- 讚完就要彈啦，重量係優點，你睇180-600有2kg，佢係1.7 kg，但其實都係一個缺點，同廠50-400 或者原廠嘅100-400 其實只係1.1 kg左右，對比之下呢支鏡真係幾重，用600 g 重量嚟換多100mm，我都真係唔知值唔值
- 既然係副廠嘅咁就冇辦法啦，一定冇原廠嗰啲自訂快捷鍵
- 外變焦，不過如果唔係外變焦就做唔到咁細啦
- 最大嘅缺點（！）防震不及原廠，Nikon 的原廠鏡聲稱有五級防手震，Tamron 好似冇特別宣傳幾多級，但我肯定佢沒有五級，實際使用之下，大概得兩級半
- 用唔到Tele Converter

決定買邊支長鏡之前問朋友借用咗十幾日，我係用nikon z mount，對焦速度完全不感覺有問題，用Z6II 會稍為慢少少，Zf / Z8 感覺一對即到，但要留意返有一個小蹺妙，就對焦點不能用中央Pin Point，否則支鏡就不停來來回回對唔到，原因不明。優缺點就可以睇下邊，基本上我試完之後都未決定到買唔買

1.夜攝強勁
2.紫色不鏽鋼靚
3.比較2024新iPhone不會太遜色
4.3倍zoom實用
5.微距拍攝表現出色
6.120hz screen

1.系統不穩定
2.電量差勁
3.電池健康度差勁
4.容易發熱
5.不鏽鋼邊框容易花
6.拍攝微距轉換鏡頭出現卡頓
7.動態島基本上冇用

2022年第一批出機，由12PM升上黎，對我黎講最大升級係pro-motion同3倍zoom，終於追上Android既Screen refresh rate,但唔知點解無當日喺第一代iPad pro 10.5果種滑動既震撼感，另外攝力上係有明顯既提升，3倍Zoom實用性好高，而且微距拍攝表現出色，最令人驚喜係夜攝，之前一直都唔知原來iPhone係可以用到30秒曝光(需要加腳架)，今次喺澳洲全黑環境，竟然可以影到星空，紫色配不鏽鋼係幾靚，不過不鏽鋼帶黎既缺點太多，重同唔耐刮，同12PM充電口一樣，用左兩年之後都會出現各式各樣嘅小刮痕，機身就算長期帶着保護套都依舊會出現好輕微嘅刮痕，另外不鏽鋼黐指紋黐到傻，之後電量極差，而且容易發熱，用咗一年個電池健康度得返8x%，呢個似乎係自12之後既每代通病，而呢部機最大嘅賣點，動態島基本上係冇用，除咗有時手痕撳咗佢用嚟轉歌之外，我完全諗唔到有咩場景會用得到佢，甚至我老婆用咗部機兩年都唔知原來有個咁嘅function，不過佢呢個動態島應該都係過渡方案，希望過多幾年之後cut Q咗佢變真全面屏