文：Tony Lam
Porsche Macan 絕對是繼 Cayenne 後另一熱賣型號，不過，熱賣亦代表著揸出街隨時與人「撞」色「撞」款，想要獨特一點又矜貴一點，今天的 Macan Turbo Exclusive Performance Edition 幫到你。
Porsche Macan Turbo Exclusive Performance Edition 絕對是現時車系中最最高級別，單睇個名水蛇春咁長已經夠照，再睇埋條片就知道點解咁貴咁特別。首先，車身頭尾泵把上面條飾邊就要人手慢慢噴色，工序長又煩，單係呢 Part 手工已經唔平，再來車廂可見黑皮加 Alcantara 皮革組成，當中用上的石榴紅就更是此版本獨有，加上紅色安全帶、頭枕的紅色 Turbo 字樣、軚環、制動及 Sport 尾喉等配件，賣相明顯較普通版更搶眼特別。
當然，單單顏色配件的改動要多收你廿幾萬真係未必個個受，所以動力方面亦有所增長，雖然與 Turbo 版同樣使用一台 3.6 公升 V6 biturbo 引擎，不過馬力就由 400 匹加至 440 匹，峰扭 600Nm，由靜止加速至 100 公里只要 4.4 秒，極速 272km/h，性能數字相當亮眼。最後當然要講返個價錢，德國售價就由 $116,091 歐元起，相較普通 Macan Turbo 加上 Performance Package 後還要貴 $24,000 歐元（約 $232,560 港元），型真係要付出代價的。
你對自己的愛駒有甚麼評價？而準備買車的你是否想知多一點心儀座駕的優劣？不妨在本網的汽車資料館內揀選心水的汽車型號，發表或瀏覽用家心得，說不定可以因此結識到志同道合的「車友」！https://jp.taiji.icu/cars/database.php
