超遠攝！Panasonic LUMIX DMC-ZS70 輕便旅行相機

發表於 2017 年 8 月 18 日 • 瀏覽 42,750 •相機消息•相機測試

Panasonic LUMIX DMC-ZS70 的鏡頭有 30 倍光學變焦，焦距相等於 35 mm 系統之 24 - 720 mm。

鍾意攝影的朋友去旅行帶相機是常識吧！見到壯麗景色、或是奇趣情景，自不然按下快門，有時更進入忘我境界，一時三刻好似旁若無人！有無試過被親友投訴你「影夠未」？這時你縱然內心醒覺忽略了身邊親朋，不過出遊機會難得，唔影又對唔住自己…有咩方法可以拆解這局面？好簡單！買一部性能好又多花樣的輕便相機，Panasonic LUMIX DMC-ZS70 輕便旅行相機易用之餘功能齊全，隨手可拍出「大師級」相片。

▲ 使用 30 倍光學變焦，用 24 mm 廣角端拍 wide shot，維港景色開揚壯闊；zoom 盡 720 mm，IFC 的細節仍然清晰。

30 倍遠攝力行到邊影到邊
用單反的朋友都知帶一支遠攝鏡有幾重，而 LUMIX DMC-ZS70 機仔細細，鏡頭焦距由 4.3 至 129 mm（相等於 35mm 系統之 24 - 720mm），有 30 倍光學變焦；其廣角端是 24mm 超廣角，想影 wide shot 又得；用 720 mm 遠攝「對面海」的景物都無問題！加上機身內置光學影像穩定系統，五軸抵消晃動，就算 zoom 到遠一遠都唔怕會「鬆郁矇」。一部輕便相機有如此質素，相信去旅行時大部分景物都可應付得到。

▲ 相機採用 24 mm 超廣角 LEICA DC VARIO-ELMAR 鏡頭，影像夠 wide 夠清晰。在太平山盧吉道拍攝，香港海景盡收眼底。

▲ 上圖尖沙咀鐘樓細如蚊蠅，在同一地點 zoom 至 720 mm 拍攝，由山頂 zoom 至對面海，鐘樓清晰度仍然不錯！

而家智能手機攝影功能越來越好，但講功能及質素，相機仍然有其優勢。用一般手機影建築物常有「唔夠 wide」的情況，加入外置手機廣角鏡又常出現邊緣成像變形的問題。用 LUMIX DMC-ZS70 的廣角端就可輕鬆拍攝建築物，其 3 寸 104 萬點顯示屏幕足以輕鬆取景，有時戶外環境太光、太曬又可用其 0.2 寸 116 萬像素實時電子觀景器拍攝；加上可以 touch mon 對焦及控制快門，操作輕鬆易用。

▲ 背光下建築物影出來的色彩不會太灰黑，加上可用 RAW 檔拍攝，使用 Panasonic 專用軟件執相都好 easy。

▲ 在同一距離 zoom 近就可拍到教堂頂部，真係 zoom 到邊、影到邊。開手機影相 zoom 唔遠，用呢部機就啱晒。

▲ 以廣角拍攝摩天輪與 IFC，拍得 IFC 高聳入雲，整個摩天輪都影得晒。

▲ 以 720 mm 及 4K 模式拍攝，移動中的摩天輪車廂依然清晰，細節一覽無遺。

4K 自拍模式　美顏美肌一 take 過
除了影風景，輕便相機當然不少得自拍功能。旅行時行到攰去 cafe 坐坐，或者到人氣食店朝聖…又到女士們、女朋友或老婆自拍的好時光。LUMIX DMC-ZS70 連自拍都有 4K 模式！其操作簡單，只要用相機的 180 度反 mon 拍下 4K 影片，再在影片中截取理想影像即可。而相機亦內置 Beauty Retouch 功能，影完相可以立即執相。內置美肌、膚色調節、化妝及大眼瘦面功能，真的可與手機的美圖 app 一較高下！

▲ 不使用 4K 自拍先影一張，鏡頭夠 wide 就可人與食物一齊入鏡啦！

▲ 內置「一揮即拍」（Face Shutter）功能，只要揮揮手就可遙距控制快門，擺 pose 自拍就更方便。

4K 相片模式輕鬆捕捉每一刻
攝影愛好者可用技術及器材捕捉精彩又一瞬即逝的畫面，但對於一般人來說，要捕捉快速移動的物件就不易。如小朋友比賽畫面、難以捕捉等小動物等都較難拍攝。而 LUMIX DMC-ZS70 內置的 4K 相片模式簡單易用，只要按下快門，相機即會拍下 4K 影片，再在機內選取影像，原理與連拍相似，但最大好處是不用拍下一大堆相片逐張、逐張揀，在影片中截取理想相片，就係咁簡單！

▲ 使用 4K 自拍功能，就算戶外有風吹都唔怕走樣，仲可以 cap 到飄逸效果！

▲ 在相機內截取最「仙氣」一刻。

挑戰夜景效果似用大機
一般手機及機仔礙於 CMOS 限制，影夜景通常欠佳。唔係鬆郁矇、就太重 noise，不過 LUMIX DMC-ZS70 就相當有驚喜！要拍夜景，不妨以「慢快門減噪」功能配合腳架來使用 LUMIX DMC-ZS70，拍出來的相片頗有大機感覺！加上機內有 WiFi 過相功能，可以即時連接 Panasonic「Image App」智能手機程式，將相片傳輸到手機中，親友可一邊即時上載社交平台吸 like，你再一邊用大機慢慢影夜景，以後都無人再話你影得耐啦！